Новости проекта
Разъяснение ситуации с рекламой и предупреждением МАРТ
Обновленные функции Schools.by
Усе разам “Збяром партфель у школу”
Дырэктар Смаргонскага раённага аддзялення грамадскага аб'яднання “Беларускі дзіцячы фонд” Наталля Чаславаўна Лабейка разам з супрацоўнікамі Смаргонскага СПЦ загадзя для акцыі “Збяром партфель ў школу” выбіралі ў краме “Камфорт плюс” для дзяцей-сірот і дзяцей з мнагадзетных, малазабяспечаных, няпоўных сямей сшыткі, альбомы для малявання, каляровыя алоўкі, мядовую акварэль, пеналы, ручкі, клей, вокладкі і многае-многае іншае. Перад пачаткам навучальнага года 47 прывабных і патрэбных падарункаў на 1504 рубля 84 капейкі падаравана ад фонду дзецям Смаргонскага раёна, у тым ліку і выхаванцам дзіцячага сацыяльнага прытулку. 21 жніўня Наталля Чаславаўна прыйшла у прытулак Смаргонскага СПЦ каб павіншаваць будучых першакласнікаў.
У той жа дзень Алена Віктараўна Канапацкая разам з школьнікамі дзяржаўнай установы адукацыі «Вучэбна-педагагічны комплекс Залескі яслі-сад - сярэдняя школа» і іх сябрамі таксама завіталі ў прытулак з сучаснымі танцамі і цікавымі гульнямі: “ Мора хвалюецца”, “Ручаёк”, “Паравозік” і іншымі. Выхаванцам вельмі спадабаліся гульні, танцы і ўпэўненыя ў сабе маладыя людзі, якія імкнуліся знайсці падыход да кожнага дзіцяці. Акрамя таго госці прынеслі і канцалярскія тавары, якія спатрэбяцца як дашкольнікам, так і будучым першакласнікам.
Выказваем падзяку за падарункі, якія прынеслі задавальненне і карысць дзецям прытулку і, несумненна, спатрэбяцца на працягу ўсяго навучальнага года.
Комментарии:
Оставлять комментарии могут только авторизованные посетители.
